Tämä oon Universitetskanslersämbetet
Universitetskanslersämbetet oon valtiolinen virasto. Hallitus johtaa meän toimintaa. Met tarkistamma korkeaman koulutuksitten laatua ja yliopistoitten omia systeemiä koulutuksen, tutkimuksen ja yhtheistyön laatuvarmistukselle. Met seuraama ylös ja analyseeraama kehitystä ja trentiä Ruottin korkeakoulussa.
Met olema vastuuliset kaikista julkisesta statistiikasta korkeakoulualuheela. Met valvoma kansa ette yniversiteetit ja korkeakoulut nouvattavat lakia ja sääntöjä.
Met tehemä töitä kolmela aluheela:
- Opiskeliaoikeus ja valvonta
Met tarkistamma kunka yniversiteetit ja korkeakoulut käyttävät ja nouvattavat lakia ja säätäntöjä ette valvoa oppilhaitten oikeusvarmuutta. Yniversiteetitten ja korkeakouluitten valvonta tehhään yksityisitten ilmotuksen jälkhiin mutta kansa meän oman päätöksen jälkhiin. - Statistiikka ja ylösseuranta
Meilä oon vastuu kaikista julkisesta statistiikasta korkeakoulualuheela. Met olema vastuuliset opintopaikoitten resyrsikäytön efektiviteetin tarkastuksesta. Met piämä silmilä kehitystä korkeakoulula ja seuraama ylös ja analyseeraama yniversiteetitten ja korkeakouluitten toimintaa. - Koulutuksitten laatun, tutkimuksen ja yhtheistyön tarkastus
Met tehemä neljän erin sorttista tarkastusta:
- Opintopaikkatarkastuksia
- Koulutusyytvärteerinkiä
- Temattisia yytvärteerinkiä
- Äksaaminlupatarkistus
Organisasuuni
Meitä oon 120 työläistä töissä 4 eri osastossa. Meän jeneraalitirehtööri oon Martin Norsell.
Ota meän kansa yhtheyttä
Soita meän väkselhiin: 08-563 085 00
Lähätä e-posti meile: registrator@uka.se
Käyntiosote: Hammarbybacken 31, Johanneshov Stokholmissa