Universitetskanslerämbete (UKÄ) edtja meatan årrodh sveerjen jïlleskuvlem nännoestidh. Mijjen darjoemisnie uvtemes golme dajvh:
Mijjieh gïehtjedeminie dejtie ööhpehtimmide mejtie examenidie vedtieh juktie vaaksjodh dah krïebpesjidie illieh mah daerpies jollebe ööhpehtimmide. UKÄ aaj ohtsemh pryövoe universiteeteste jïh jïlleskuvlijste mah sijhtieh exameneluhpiem utnedh.
Mijjieh öörnebe dam offisielle statistihkem mij jïlleskuvlesektovren bïjre, mij vadta mijjieh bïevnesh jïlleskuvlesektovreste tjåanghkan bïejebe, dam goerehtibie jïh gïehtjedibie. Mijjieh jïlleskuvlem evtiedimmie vaaksjobe jïh universiteeti jïh jïlleskuvli darjomh goerehtibie jïh gïehtjedibie.
Mijjieh aaj gïehtjedibie man effektijveles universiteeth jïh jïlleskuvlh dej vierhtiejgujmie barkeminie.
Juktie studenti reaktah vaaksjodh dle gïehtjedibie guktie universiteeth jïh jïlleskuvlh laakh jïh njoelkedassh mïetestieh. Dam gïehtjedibie dovne jïjtsh initiatijven mietie jïh aajnealmetji laejhtemi gaavhtan.
UKÄ aaj kanslijedåarjegh vadta Jïlleskuvlen avskiljandemoenehtsasse (HAN) jïh Överklagandemoenehtsasse jïlleskuvlide (ÖNH). Avskiljandemoenehtse ieride pryövoe man bïjre studenth ööhpehtimmijste juakadidh. Överklagandemoenehtse laejhtemh pryövoe nännoestimmiej bïjre mejtie jïlleskuvlesektovresne jïh sektovresne barkijejïlleskuvlese nännoestamme.
Universiteetekanslere lea Universitetskanslerämbete´n åejvie. Mijjieh medtie 120 barkijh mah golme ieriegoevtesinie, goevtesisnie mij administrasjovnese jïh IT´se jïh aaj kommunikasjovnesekretarijatesne.
Tellefovne: 08-563 085 00
Påastesijjie: Box 6024, 121 06, Johanneshov
Sijjie: Hammarbybacken 31, Johanneshov
E-påaste: registrator@uka.se