Akaja tani e Universitetskansleresämbetet
E Universitetskanslersämbetet tano jek državno vlasti. Odoja tani i vlada so ingarela amaro butikeribe. Amen kontrolirinaja o kvaliteti ko učeder školujba hem sikljojbaskere thanengere sistemia so isi olen bašo kvaliteteskoro siguribe bašo školujbe, istraživibe thaj keribe buti maškar peste. Amen pratinaja thaj analizirinaja o angledžajbe thaj o trendija ki švedikani učiškola.
Amen odgovorinaja baši sakoja oficijalikani statistika ko učeškolakere thana. Amen dikhaja o univerzitetija thaj o učeškole te ikeren pe ko zakonija thaj regularija.
Amen keraja buti ko trin oblastija:
- Studentikano pravo thaj kontrola
Amen kontrolirinaja sar o univerzitetija thaj o učeškole koristinena e zakonen thaj e regularen thaj sar ikerena pe ki olende kaj te šaj te dikhen e studentengere pravnosiguribe. I kontrola ko univerzitetija thaj učeškole kerela pe palo disave dženeskoro prijavibe ama thaj pali amari inicijativa. - Statistika thaj dikhibe ponodori
Amen odgovorinaja baši sakoja oficijalikani statistika ko učeškolakoro than. Amen odgovorinaja bašo kontroliribe o efektiviteti ko sikljojbaskere thanegoro resursengoro koristibe. Amen dikhaja o angledžajbe ki učiškola thaj pratinaja thaj analizirinaja e univerzitetengere thaj e učeškolengere butikeribe. - Kontroliribe e školujbengoro kvaliteti, istraživibe thaj o keribe buti maškar peste
Amen keraja štar tipija kontrole:
- Sikljojbaskere thanengere kontrole
- Školujbaskere analize
- Tematikane analize
- Kontrole bašo diplomiribaskiri dozvola.
Organizacija
Amen siam 120 bučakerde džene so keraja buti ko štar razna kotora. Amare generalikane direktoreskoro anav tano Martin Norsell.
Kontaktirin amen
Telefonirin ki amari centrala: 08-563 085 00
Bičhal amenge e-pošta: registrator@uka.se
Gostibaskiri adresa: Hammarbybacken 31, Johanneshov i Stockholm