Romani / Arli: Akaja tani e Univerziteskiri kancelariakiri uprava

Univerziteskiri kancelariakiri uprava (Universitetskanslersämbetet - UKÄ) ka zorakerel e švediakoro fakulteti. Amari buti ka astarel trin thana:

Kontroliriba e edukaciakoro kvaliteti

Amen oceninaja edukacie so ka ingaren dži ko paluno ispit či te šaj te osigurina so ka pherenpe o rodiba pobare edukaciake. UKÄ isto probinela o molbe bašo ispiteskere dozvole taro o univerzitetia hem fakultetia.

Produžiba hem statistika

Amen siam odgovorno baši i oficialnikani statistika taro e fakulteteskoro sektori so značinela khedipa, obrabotiba hem informaciakere analize taro e fakulteteskoro sektori. Amen arakhaja o džajbe anglal ko fakulteti hem sledinaja, analizirinaja e uviverziteskiri hem e fakulteteskiri buti.

E efektivibaskiri kontrola

Amen isto kontrolirinaja kobor efektivno o univerzitetia hem o fakultetia iskoristinena ple resursia.

Studentengere hakia hem arakhiba

Či te šaj te arakha e studentengoro hakoskoro siguriba kontrolirinaja sar o univerzitetia hem o fakultetia primeninena o kanunia hem o uredbe. E univerzitengoro hem e fakultetengoro arakhiba ovela ki pli lično iniciativa hem pali i prijava taro posebno manuša.

UKÄ isto dela potpora e kancelariake bašo Fakulteteskoro odbor odvoibaske (Högskolans avskiljandenämnd, HAN) hem Fakultengoro Odbor žalibaske (Överklagandenämnden för högskolan; ÖNH). O Odbor odvoibaske ispitinela predmetia odvoibaske studenten taro e fakulteteskere edukacie. O Odbor žalibaske ispitinela o žalbe odlukenge so astarela e fakulteteskoro sektori hem o sektori e zanateskoro fakulteti.

Organizacia

E Univerziteskiri kancelari tani o šefi e Univerziteskere kancelariakere upravake. Amen siam skoro 90 bučarne, organizirime ko trin thana, jek than e administraciake, IT hem jekh komuniciribaskoro sekretariati.

Kontaktirin amencar

Telefoni: 08-563 085 00

Poštakiri adresa: Box 7703, 103 95 Stockholm

Vizitakiri adresa: Löjtnantsgatan 21

E-pošta: registrator@uka.se

Kontaktiribaskere informacie sa e sorabotnikonge isi ko www.uka.se