Nordsamiska / Davvisámegiella: Dát lea Universiteahtakanslerámmát

Universitehtakanslerámmát (Universitetskanslersämbetet, UKÄ) galgá leat veahkkin nannet ruoŧa allaskuvlla. Min doaibma siskkilda ovddimuččat golbma guovlluid:

Oahpahusaid kvalitehta dárkkisteapmi

Mii árvvoštallat oahpahusaid main boađus lea eksamen sihkkarastin dihte ahte cevzet gáibádusaid alibut ohppui. UKÄ geahččala maid ohcamušaid eksámenlobiide universitehtain ja allaskuvllain.

Čuovvuleapmi ja statistihka

Mii bearráigehččet dan almmolaš statistihka allaskuvlasuorgái mii mearkkaša čoaggin, gieđahallan ja analysa dieđuid allaskuvlasuorggis. Mii vákšut maid ovdáneami allaskuvllas ja čuovvulit ja analyseret universitehtaid ja allaskuvllaid doaimma.

Beaktilvuođa dárkkisteapmi

Mii dárkkistit maid man beaktilat universitehtat ja allaskuvllat geavahit iežaset návccaid.

Studeantavuoigatvuohta ja bearráigeahčču

Vákšun dihte studeanttaid riektasihkkarvuođa mii dárkkistit got universitehtat ja allaskuvllat geavahit lágaid ja njuolggadusaid. Bearráigeahčču universitehtain ja allaskuvllain dahkko sihke iežas vuolggaheami bokte ja maŋŋil ilmmuhusa ovttaskas olbmuin.

UKÄ addá maid kansliijadoarjaga Allaskuvlla čuoldinlávdegoddái (Högskolans avskiljandenämnd, HAN) ja váidalanlávdegoddái allaskuvlii (Överklagandenämnden för högskolan, ÖNH). Čuoldinlávdegoddi geahččala áššiid čuoldimis studeanttaid allaskuvlaoahpus. Váidalanlávdegoddi geahččala maid váidalemiid mearrádusain mat leat mearriduvvon allaskuvlasuorggis ja suorggis ámmátallaskuvlii.

Organisašuvdna

Universitehtakansler lea hoavda Universitehtakanslerámmáhii. Mii leat sullii 90 bargi, organiserejuvvon golbma áššeossodagaide, okta ossodat hálddahussii ja IT:i ja vel okta gulahallančállingoddi.

Váldde oktavuođa minguin

Telefovdna: 08-563 085 00

Boastačujuhus: Box 7703, 103 95 Stockholm

Guossidančujuhus: Löjtnantsgatan 21

E-boastta: registrator@uka.se

Oktavuođadieđut visot bargiide gávnnat siiddus www.uka.se